Məmur-oliqarx balalarının bahalı avtomobilləri - FOTOLAR

Məmur və oliqarx övladları tez-tez lüks həyat tərzləri ilə gündəmə gəlirlər. Sosial şəbəkələrdə bahalı maşınlarını, dəbdəbəli yaşamlarını nümayiş etdirməkdən çəkinməyən məmur və oliqarx balaları daima diqqət çəkiblər. Avtosfer.az sonxeber.az-a istinadən bahalı maşınları ilə müzakirə olunan məmur balalarını təqdim edir:

Sabiq nəqliyyat naziri Ziya Məmmədovun qardaşı, deputat Elton Məmmədovun oğlu Aynar Məmmədov bahalı maşını ilə diqqət çəkənlər sırasındadır.

Allahverdi Axundov bahalı maşınları və dəbdəbəli hayatı ilə sosial şəbəkədə tez- tez gündəmə gəlir. O, "Hollywood Şadlıq Sarayı" və "Şərur" MTK-nın sədri "Şərurlu İsfəndiyar" kimi tanınan tikinti maqnatı İsfəndiyar Axundovun oğludur.

Azərbaycanda doğulmuş türkiyəli iş adamı, "Palmali" Şirkətlər Qrupunun sahibi və keçmiş "Xəzər-Lənkəran" futbol klubunun prezidenti Mübariz Mənsimovun qardaşı oğlunun Qurban Mənsimovun dəbdəbəli həyatı diqqət mərkəzindədir.

İş adamı Elçin Carçıyevin oğlu Murtuz Carçıyevdə dəbdəbəli həyatı ilə gündəmə gələnlənlərdəndir. Biznesmenin oğlu keçmiş Nəqliyyat naziri Ziya Məmmədovun müşaviri olmuş Çingiz Baxışovun nəvəsi ilə ailə həyatı qurub.

Bakı Lift İdarəsinin direktoru Qüdrət Şükürovun qızı Aysel Şükürova aktiv sosial şəbəkə istifadəçisidir. 800 minə yaxın "İnstagram" izləyicisi olan məmur qızı paylaşımları və özəl həyatı ilə daim marağa səbəb olub. Qeyd edək ki, mediada 400 min manatlıq toy etdiyi haqda xəbərlər çıxmışdı.

Sankt-Peterburqdakı azərbaycanlı diasporunun lideri, milyarder-oliqarx Vaqif Məmişovun oğlu Rusiyanın maqazin mediasının ulduzuna çevrilir. Dəbdəbəli həyatı və bahalı maşınları ilə oliqarx oğlu tez-tez gündəmə gəlir.