Yol polisi təhlükəsizlik aylığı keçirəcək - “Diqqət, uşaqlar”

Yol polisi 12 Sentyabr 2018 12:28 Oxunub 1132
Yol polisi təhlükəsizlik aylığı keçirəcək - “Diqqət, uşaqlar”
WhatsApp kanalımıza abunə ola bilərsiniz
Uşaqların iştirakı ilə baş verən yol qəzalarının təhlili aparılacaq

Daxili İşlər Nazirliyi rəhbərliyinin göstərişinə əsasən, yeni dərs ilinin başlanması ilə əlaqədar sentyabrın 15-dən oktyabrın 15-dək respublika ərazisində “Diqqət, uşaqlar” adı altında təhlükəsizlik aylığı keçiriləcək. Baş Dövlət Yol Polisi İdarəsindən Avtosfer.az-a verilən məlumata görə, tədbirin keçirilməsinin əsas məqsədi piyadaların iştirakı ilə yol-nəqliyyat hadisələrinin qarşısının alınması istiqamətində profilaktiki tədbirlərin gücləndirilməsi, habelə ümumtəhsil məktəblərində şagirdlərə təhlükəsiz davranış vərdişlərinin aşılanması və tədris prosesinin səmərəliliyinin yüksəldilməsinə dövlət yol polisinin köməyinin artırılmasıdır. Aylıq ərəfəsində uşaq və yeniyetmələrin iştirakı ilə baş vermiş yol-nəqliyyat hadisələrinin təhlili aparılaraq, onların başvermə səbəblərinin və şəraitlərinin aradan qaldırılması üzrə konkret profilaktiki tədbirlərin görülməsi, təhsil müəssisələrinin yerləşdiyi ərazilərdə, habelə uşaq və yeniyetmələrin toplaşdığı yerlərdə, onların hərəkət marşrutlarında yol şəraitinin yenidən müayinə olunması, hərəkətin təhlükəsiz təşkili nəzərə alınmaqla müvafiq tədbirlər, o cümlədən yol nişanlarının qoyulması və digər zəruri tədbirlər həyata keçiriləcək.

 

Elmin

ŞƏRH YAZ
Ad

E-mail

Şərh