Dükan sahibini öldürən satıcının məhkəməsi başladı
Bu gün Bakı Ağır Cinayətlər Məhkəməsində qətl törətməkdə təqsirləndirilən Vüsal Novruzovun cinayət işi üzrə məhkəmənin hazırlıq iclası keçirilib. Avtosfer.az-ın Trend-ə istinadən məlumatına görə, hakim Rasim Sadıxovun sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib və iş üzrə məhkəmə baxışı sentyabrın 27-nə təyin edilib. İttihama görə, bu ilin may ayında Sumqayıt şəhər ərazisində yerləşən gül mağazasının sahibi Vüqar Quliyev öz mağazasında qətlə yetirilib. Aparılan əməliyyat-istintaq tədbirləri nəticəsində qətldə şübhəli bilinən Vüsal Novruzov saxlanılıb. V.Novruzov əvvəllər V.Quliyevin satıcısı işləyib. Faktla bağlı Sumqayıt şəhər Prokurorluğunda Cinayət Məcəlləsinin 120.1-ci (qəsdən adam öldürmə) maddəsilə cinayət işi başlanıb.