Bakıda kişini və arvadını döyərək 25 000 manat pulunu alan şəxslər saxlanılıblar
Gündəm 11 Oktyabr 2018 13:09 179 dəfə oxunub
Bakıda kişini və arvadını döyərək 25 000 manat pulunu alan şəxslər saxlanılıblar
Faktla bağlı araşdırma aparılır

Bakıda kişini və arvadını döyərək 25 000 manat pulunu alan şəxslər saxlanılıblar. Bu barədə Avtosfer.az-a Daxili İşlər Nazirliyindən məlumat verilib. Belə ki, oktyabrın 7-də saat 22 radələrində paytaxtın Nizami rayonunun Şərifli küçəsindəki evlərin birinin girişində 2 naməlum şəxs Bakı şəhər sakini R.Sadıqovu və onun arvadını döyərək içərisində 25.000 manat olan bağlamanı qadından alıb. Bu zaman R.Sadıqov onlardan birini saxlayıb və polis əməkdaşlarına təhvil verib. Digər şəxs isə pulla birgə qaçıb aradan çıxıb. Nizami rayon Polis idarəsinin 25-ci polis şöbəsində aparılan araşdırmalarla quldurluğu törətməkdə şübhəli bilinərək saxlanılan şəxsin Bakı şəhər sakini Balağa Nuriyev olduğu müəyyən edilib. Həyata keçirilən təxirəsalınmaz əməliyyat-axtarış tədbirləri nəticəsində qrupun digər üzvü də qısa müddətdə müəyyən edilib. Beyləqan rayon sakini Faiq Ağayev də polis əməkdaşları tərəfindən saxlanılıb. Faktla bağlı araşdırma aparılır.

ŞƏRH YAZ
Ad
E-mail
Şərh