Avtomobillə vurulan piyada xəstəxanada ölüb - Xudatda

Xaçmaz rayon Çinartala kənd sakinini Xutatda avtomobil vuraraq öldürüb. Avtosfer.az-ın "Report"a istinadən məlumatına görə, hadisə ötən gün axşam saatlarında Xudat şəhərində baş verib.  Xaçmaz rayon sakini 1958-ci il təvəllüdlü Almas Qəzənfər oğlu Hacıyevi avtomobil vurub. O, təcili tibbi yardım avtomobili ilə Xaçmaz Rayon Mərkəzi Xəstəxanasına aparılıb. Müayinə zamanı A.Hacıyevin ağır bədən xəsarətləri aldığı məlum olub. Həkimlərin səylərinə baxmayaraq onun həyatını xilas etmək mümkün olmayıb. Faktla Xaçmaz Rayon Prokurorluğunda cinayət işi başlanıb, araşdırma aparılır.