Bakıda qaçırılan avtomobil tapıldı - Oğruların inanılmaz üsulu
Gündəm
14 Oktyabr 2018 18:25
Oxunub 5016
Faktla bağlı 19-cu polis bölməsində araşdırma aparılır
8 oktyabr tarixində Nəsimi rayonu, 4-cü mikrorayon ərazisində gecə saatlarında oğurlanan avtomobil tapılıb. Avtosfer.az xəbər verir ki, baku.ws-ə müraciət edən zərərçəkən Hüseyn Quliyev "Mercedes" markalı avtomobilinin həyətindən oğurlandığını bildirmişdi. Şüşəsi sındırılaraq oğurlanan avtomobil qısa zamanda tapılıb. Hüseyn Quliyev bildirir ki, oğurlanan maşın Binəqədi kəndi ərazisində tapılıb. Oğrular maşının xarici görünüşündə dəyişiklik ediblər.
1996-cı il avtomobilin detalları dəyişdirilib və 1998-ci ilə uyğun olaraq yığılırmış. Avtomobilin detallarının dəyişdirilməsindən belə qənaətə gəlmək olar ki, dələduzlar maşını baha qiymətə sataraq daha çox qazanc əldə etməyi planlaşdırıb. Faktla bağlı 19-cu polis bölməsində araşdırma aparılır.
ŞƏRH YAZ
DİGƏR XƏBƏRLƏR