DYP və DANX Ağdamda birgə reyd keçirib - Qanunsuz sərnişindaşıma - VİDEO
Ağdam rayon Dövlət Yol Polisi bölməsinin əməkdaşları Dövlət Avtomobil Nəqliyyatı xidmətinin əməkdaşları ilə birlikdə Ağdamın Quzanlı qəsəbəsi ərazisində qanunsuz sərnişin daşımağa qarşı reyd keçirib. Reyd zamanı sənədləri qaydasında olmayan, icazəsiz sərnişin daşıma ilə məşğul olan bir neçə sürücü aşkarlanıb. Reyddə bir sıra qalmaqallı hallar yaşanıb.
Bəzi sürücülər sərnişin daşıma fəaliyyəti ilə məşğul olmaq üçün haradan sənəd almaq lazım olduğunu bilmədiklərini deyiblər. Bəzən isə sərnişinlər dövlət Avtomobil Nəqliyyat xidmətinin əməkdaşlarına hücum çəkərək təzyiq göstəriblər. Lakin Ağdam Rayon Polis şöbəsinin və Dövlət Yol Polis İdarəsinin əməkdaşları sərnişinləri son duracağa qədər mənzil başına çatdırıblar.
Bəzilərini isə yenidən avtovağzala qaytararaq qanuni fəaliyyət gösətərən digər mikroavtobuslarla mənzil başına gemələrinə şərait yaradıblar. Bu kimi reydlər respublikanın digər bölgələrində də keçiriləcək. Əsas məqsəd sərnişindaşıma sahəsində çatışmazlıqları aradan qaldırmaq, sürücüləri maarifləndirmək və onların qanun tələblərinə əməl etməyə çağırmaqdır.
Orxan