Yollarda "axşam xaosu" nə vaxt bitəcək? - VİDEO
Bakıda dayanma-durma qaydalarının pozulması, parklanma bərbad vəziyyətdədir. ARB televiziyasının hazırladığı süjet bunu bir daha təsdiq edir. Sujetdən də aydın olduğu kimi Bakının bir çox küçə və prospektlərində avtobus dayanacaqları zəbt olunur, sürücülər iki və üçüncü cərgədə saxlayır. Vəziyyət o həddə çatıb ki, yol polisi bu məsələyə müdaxilə etmək məcburiyyətində qalır. Yol polisi olmasa vəziyyət o həddə çatıb ki, avtobus sürücülərinin də dediyi kimi gecikmə hətta 20 dəqiqə, yarım saat davam edir. Bu isə sərnişinlərin vaxtında mənzil başına çata bilməməsi, avtobusların vaxtında dayanacağa girə bilməməsinə və Bakıda hərəkət sürətinin 20 km saata enməsinə gətirib çıxarır. Bütün bunlar insanlara həm psixoloji, həm mənəvi, həm də maddi cəhətdən zərər vurur.