Qorxunc hörümçəyin yol polisinə “hücum” anı kameraya yaxalandı – VİDEO
Qorxmayın! Heç də hər şey gördüyünüz kimi deyil. Bu hörümçək də reallıqda çox balacadır. Amma gözləriniz sizi aldadacaq. Adətən, polis kameraları qayda pozuntularını qeydə alır. Amma Texas yol polisinin kamerası “nəhəng” hörümçəyin görüntülərini qeydə alıb. Videogörüntülərdən belə təəssürat yaranır ki, hörümçək polis əməkdaşına hücum etməyə hazırlaşır və sonradan fikrindən daşınır. Əslində isə görüntüləri yayımlayan polis işçisi Hollivuda meydan oxumaq qərarına gəlib. Hollivuda çağırışla “xüsusi effektlər istəyirnizimi? Alın!” deyə videogörüntüləri yayımlayıb. Reallıqda sadəcə, balaca bir hörümçək polis maşınının alın şüşəsi boyunca hərəkət edir. Amma vizual olaraq bu, nəhəng bədheybət həşərat təsəvvürü yaradır. Avtosfer.az bizimyol.info-ya istinadən həmin videogörüntüləri təqdim edir. Baxın və əylənin. İstəsəniz, özünüz də belə “dəhşət” epizodları çəkə bilərsiniz.