Aeroportda uçuş zamanı təyyarənin təkərləri partlayıb - FOTO

Gecə saatlarında Şanxayın Pudun beynəlxalq aeroportundan Kuala-Lumpura uçmalı olan "Malaysia Airlines" aviaşirkətinə məxsus sərnişin təyyarəsinin havaya qalan zaman təkərləri partlayıb. Avtosfer.az “Report”a istinadən xəbər verir ki, bu barədə Çinin "People's Daily, China" qəzeti yazıb. Məlumata görə, bu səbəbdən təyyarənin uçuşu dayandırılıb. Sərnişinlər hava gəmisindən təxliyyə edilib.