“Toyota” rekord miqdarda satış barədə məlumat yayıb
Avtoxəbər 6 Noyabr 2018 21:55 97 dəfə oxunub
“Toyota” rekord miqdarda satış barədə məlumat yayıb
Şirkəti sentyabr ayınadək olan son altı ay ərzində

Yaponiyanın avtomobil istehsalı sahəsində tanınmış “Toyota Motor” şirkəti sentyabr ayınadək olan son altı ay ərzində rekord miqdarda satış barədə məlumat yayıb. İstehsalın artmasına səbəb kimi isə Çində və Asiyanın digər ölkələrində artan yüksək tələbat göstərilir. Avtosfer.az Azərtac-a istinadən xəbər verir ki, hesabat dövründə ümumi satış həcmi 14,6 trilyon yen və ya 130 milyard dollar təşkil edib. Bu, əvvəlki ilin müvafiq göstəricisi ilə müqayisədə 3,4 faiz çoxdur. Şirkətin əməliyyat gəlirləri 11 milyard dolları keçib ki, bu da yen ilə ifadə də 15 faizdən çoxdur. Şimali Amerikada da satışın artdığı, lakin polada və digər materiallara sərf edilən məsrəflərin gəliri üstələdiyi bildirilir. Şirkət cari maliyyə ilində satışın təqribən 260 milyard dollara çatacağını proqnozlaşdırır. Bu isə öz növbəsində il ərzində təmiz gəlirin 20 milyard dolları ötəcəyi barədə proqnoz verməyə əsas yaradır.

ŞƏRH YAZ
Ad
E-mail
Şərh