"Protiv" gedən "Baku Bus" sürücüsü cərimələndi - VİDEO
İki gün əvvəl Yasamal rayonu Haqverdiyev küçəsi ilə hərəkətdə olan, “Baku Bus”-a məxsus 3 nömrəli, 99-JH-297 dövlət nömrə nişanlı marşurt avtobusu yol hərəkəti qaydalarını kobud şəkildə pozub. Avtosfer.az xəbər verir ki, avtobusun sürücüsü əks yola çıxaraq qarşıdan gələn, avtomobilin sürücüsü üçün təhlükə yaradıb. Sürücünün son anda manevr etməsi nəticəsində qəza baş verməyib.
Qeyd edək ki, “Baku Bus” avtobuslarının sürücüləri həmişə digərlərinə nümunə olaraq göstərilir. Lakin təssüflər olsun ki, bu sürücü həm özünü, həm daşıdığı sərnişinləri həmdə digər yol hərəkəti iştirakçılarını real ölümlə üz-üzə qoyub.
Bakı Şəhər Dövlət Yol Polisi İdarəsindən Avtosfer.az-a verilən məlumata görə, artıq həmin sürücü aşkar olunub və İdarəyə dəvət edilib. Ona videogörüntünü təqdim olunub. Əks istiqamətdə hərəkət etdiyi üçün sürücüyə 4 bal, 100 manat məbləğində cərimə tətbiq edilib.
Emin