Yol polisindən qəza qurbanlarının anım günü ilə bağlı MÜRACİƏT

Yol polisi 20 Noyabr 2018 07:30 Oxunub 1399
Yol polisindən qəza qurbanlarının anım günü ilə bağlı MÜRACİƏT
WhatsApp kanalımıza abunə ola bilərsiniz
Ölüm və xəsarət halları get-gedə azalır

Azərbaycanda yol qəzalarının sayı hər il azalır, amma DYP hələ də narahatdır Məlum olduğu kimi, BMT-nin qərarı ilə hər il noyabr ayının sonuncudan əvvəlki bazar günü Ümumdünya yol qəza qurbanlarının anım günü kimi qeyd olunur. Bu il həmin tarix 18 noyabra düşsə də, anım tədbirləri adətən həftə ərzində davam edir. DİN Baş Dövlət Yol Polisi İdarəsinin (BDYPİ) şöbə rəisi, polis polkovnik-leytetantı Rüfət Quliyev Avtosfer.az-a bildirib ki, hər il yol qəzalarında 1 milyondan artıq insan həlak olur ki, Azərbaycan da bundan kənarda qalmır. Lakin DYP bəyan edir ki, son illər ölkəmizdə baş verən qəzaların sayı, ölüm və xəsarət halları get-gedə azalır. Belə ki, 2017-ci 10 ayı ərzində respublika üzrə 1499 hadisə baş verib. Nəticədə 618 nəfər həlak olub, 1406 nəfət isə xərasət alıb. 2018-ci ilin 10 ayı ərzində müqayisə apardıqda isə məlum olur ki, bu il 1432 yol-nəqliyyat hadisəsində 585 nəfər həlak olub, 1383 nəfər isə yaralanıb. Bu o deməkdir ki, ötən illə müqayisədə bu il 67 hadisə, 33 ölüm, 23 xəsarət faktı azalıb. Lakin DYP bildirir ki, bu rəqəmlər də çoxdur və hadisələrin sayını kəskin şəkildə azaltmaq üçün profilaktiki və maarifləndirici tədbirlər davam etdirilir. Respublika ərazisində xidmət aparan yol polisi əməkdaşlarının bilik və bacarıqları, hadisələrə çevik reaksiyaları, vətəndaş-polis münasibətinin xüsusi texniki vasitələrin köməyi ilə minimuma endirilməsi müsbət nəticələr verməkdədir. Ancaq çox təəssüflə deyirik ki, bəzi sürücülər hələ də kamera, radar və yol polisi olmayan küçə və prospektlərdə, magistral yollarda kobud qayda pozuntularına yol verirlər. Bu da son nəticədə ağır qəzalara səbəb olur.

Qeyd etmək lazımdır ki, baş vermiş yol qəzaları arasında piyadavurma hadisələri çoxluq təşkil edir, bu da piyadaların yol hərəkəti qaydalarına düzgün riayət etməməsinin nəticəsidir. Bu ilin 10 ayı ərzində inzibati məsuliyyətə cəlb edilən piyadaların sayı 100 mini ötüb və piyadaların hərəkətinə nəzarət etmək üçün əməkdaşların sayı artırılıb. Daha sonra yol qəzalarının başvermə səbəbləri sırasında sürət həddinin aşılması və ötmə-manevr qaydalarının pozulması halları yer alır.

Təəssüflə bildiririk ki, hər gün xüsusi texniki vasitələrin köməyi ilə 3-4 mindən artıq qayda pozuntusu aşkar olunur. Burada sürət həddinin aşılması çoxluq təşkil edir. Yol polisi ümumilikdə yol qəza qurbanlarını dərin kədər hissi ilə anır, onlara Allahdan rəhmət, yaxınlarına səbr diləyir. Sükan arxasında olarkən təkcə özünüzü yox, ailənizi, dostlarınızı, cəmiyyətimiz üçün tutduğun mövqeyi və ən əsası, qəzadan sonra geridə buraxacaqlarınızı da düşünün. Yol nəqliyyat hadisəsi əsl faciədir.

 

Elməddin

ŞƏRH YAZ
Ad

E-mail

Şərh