1050 manat oğurlayan şəxs saxlanılıb

Bakıda ticarət mərkəzində 1050 manat oğurlayan şəxs saxlanılıb. Avtosfer.az-a xəbər verir ki, bu barədə Daxili İşlər Nazirliyi məlumat yayıb.  Belə ki, Nərimanov rayon Polis İdarəsinin 17-ci polis şöbəsinin əməkdaşlarının keçirdikləri əməliyyat-axtarış tədbirləri nəticəsində dekabrın 5-də rayon ərazisindəki ticarət mərkəzlərinin birindən paytaxt sakini C.Əliyevin cibindən 1050 manat oğurlamaqda şübhəli bilinən Bakı şəhər sakini Nuru Nuriyev saxlanılıb.