Məşhur “pəhləvan” kenquru öldü – FOTO + VİDEO
Dünyada məşhur olan kenquru Rocer 13 yaşında ölüb. Avtosfer.az oxu.az-a istinadən xəbər verir ki, Avstraliyanın əsas simvollarından olan enlikürək kenqurunun ölkədə anım mərasimi keçirilib. Təbiətşünas Kris Barnsın dediyinə görə, kenqurular nadir hallarda 12 ildən çox yaşayır.
Məhz K. Barns 2006-cı ildə Roceri maşının vurduğu ana-kenqurunun bətnindən çıxararaq xilas edib. Sonradan o, “The Kangaroo Sanctuary” adlı sığınacağın yaradılmasında iştirak edib. Hazırda bu sığınacaqda 50-dən çox heyvan saxlanılır.
“Pəhləvan” Rocer dünya şöhrətini 2015-ci ildə qazanıb. Onun əlləri ilə alüminium vedrəni əzməsini əks etdirən videosu və əzələli bədəninin təsvir olunduğu fotoşəkillər sosial şəbəkələrdə geniş yayılıb. Rocerin boyu iki metr, çəkisi 90 kiloqram olub.