Zığda yolu keçən piyadanı maşın vurdu

Suraxanı rayonunun Zığ qəsəbəsi ərazisində “Mercedes” markalı avtomobillə piyada vurulub. DİN-dən Avtosfer.az-a verilən məlumata görə, dekabrın 10-da saat 23 radələrində Suraxanı rayonunun Zığ qəsəbəsi ərazisində qəsəbə sakini Tural İsmayılov idarə etdiyi “Mercedes” markalı avtomobillə yolu keçən həmyerlisi İlkin Zamanovu vurub və nəticədə piyada hadisə yerində ölüb. Suraxanı RPİ tərəfindən araşdırma aparılır.