Türkiyə vətəndaşı Bakıda piyadanı vurdu

Bakıda Türkiyə vətəndaşı qəza törədib. Avtosfer.az-ın Trend-ə istinadən məlumatına görə, hadisə paytaxtın Xətai rayonunda baş verib. Rayonun X.Rüstəmov küçəsi, 7 saylı ünvanın qarşısında Türkiyə vətəndaşı, 1981-ci il təvəllüdlü Çelik Sinan İmam oğlu idarə etdiyi "Audi" markalı 90-GX-991 dövlət nömrə nişanlı avtomobillə yolu keçən Bakı şəhər sakini, 1960-cı il təvəllüdlü Mehdiyeva Güləzər Qismət qızını vurub. Yaralı qapalı kəllə-beyin travması ilə xəstəxanaya yerləşdirilib. Faktla bağlı araşdırma aparılır.