Deputat radarlarla bağlı cərimələrin ləğv edilməsini təklif edib - Lazım deyil

Yazarlar 17 Dekabr 2018 11:17 Oxunub 1433
Deputat radarlarla bağlı cərimələrin ləğv edilməsini təklif edib - Lazım deyil
WhatsApp kanalımıza abunə ola bilərsiniz
“Piyadalar telefonla danışa-danışa yolu keçirlər, baxmırlar ki, maşın gəlir...”

Milli Məclisin deputatı Tahir Kərimli radarlarla bağlı cərimələrin ləğv olunmasını təklif edib. Avtosfer.az-ın “Report”a istinadən xəbərinə görə, T.Kərimli qeyd edib ki, qanunvericilikdəki bu cəzalar əhəmiyyətini itirib: “Telefonlara yüklənilə bilən müxtəlif proqramlar vasitəsilə sürücü yolun hansı hissəsində radarın olduğunu müəyyən edə bilir. Sürücü radarın harada olduğunu bildikdən sonra sürət həddini aşağı salır. Belə olan halda, qanunvericilikdəki həmin cəzaların nə əhəmiyyəti var ki?! Təklif edirəm ki, İnzibati Xətalar Məcəlləsindən həmin müddəalar çıxarılsın”.

Deputat bununla yanaşı qeyd edib ki, digər məsələlərlə bağlı cəzalar sərtləşdirilməlidir: “Siqnallara, dayanma-durma qaydalarının pozulmasına, piyadaların yolda telefonla danışmasına görə isə cəzalar sərtləşdirilməlidir. Piyada bir dəfə 50 manat cərimə edilərsə, daha qaydanı pozmaz. Piyadalar telefonla danışa-danışa yolu keçirlər, baxmırlar ki, maşın gəlir... Şəhərdə sürücülər yersiz siqnal verirlər, bunun qarşısını almaq lazımdır, cəzalar sərtləşdirilməlidir. Yaşayış binaların yaxınlığında tıxac olanda orada yaşayanlar yata bilmirlər”.

ŞƏRH YAZ
Ad

E-mail

Şərh

Zumreddin 19 Dekabr 2018 20:05
sual yaza bilmirem niye