“Tesla” 14 min avtomobili geri çağırdı - 3 min işçini çıxaracaq

Avtoxəbər 19 Yanvar 2019 22:38 Oxunub 1129
“Tesla” 14 min avtomobili geri çağırdı - 3 min işçini çıxaracaq
WhatsApp kanalımıza abunə ola bilərsiniz
“Tesla”nın 45 mindən çox işçisi var

ABŞ-ın elektrikli mühərrik və avtomobil istehsalçısı “Tesla” şirkəti Çində 14 min avtomobili geri çağırıb. Avtosfer.az “qafqazinfo”ya istinadən xəbər verir ki, buna səbəb “Takata” şirkətinin “Tesla S” modeli üçün istehsal etdiyi hava yastığında yaranmış problemdir.

Qərar 2014-2016-cı illər aralığında istehsal edilmiş avtomobillərə şamil edilib.

Məlumata görə, həmin yastıqlar qəza zamanı tərkibindəki ammonium-nitrat maddəsinə görə ani şəkildə yanır. Bu isə ölüm və ağır yaralanmalara səbəb olur.

Bu problem səbəbindən “Takata” şirkəti 2017-ci ildə iflas edərək fəaliyyətini dayandırıb.

“Tesla”nın qurucusu İlon Mask şirkət işçilərinə göndərdiyi mesajda avtomobillərin hələ də bir çox alıcı üçün baha olduğu və bu səbəbdən hədəflənən satışın edilmədiyini bildirib. Mask yaxın zamanda 3 min işçinin işdən çıxarılacağını deyib.

Qeyd edək ki, “Tesla”nın 45 mindən çox işçisi var.

ŞƏRH YAZ
Ad

E-mail

Şərh