Rusiyanın bu şəhərindən Azərbaycan sərhədinədək elektrik qatarları işləyəcək
Gündəm
21 Yanvar 2019 09:55
Oxunub 816
İclas zamanı müqavilə təsdiq olunub
Dağıstanın paytaxtı Mahaçqala şəhərindən Azərbaycan sərhədinədək elektrik qatarları xəttə buraxılacaq. Avtosfer.az-ın Trend-ə istinadən məlumatına görə, bu barədə qərar Dağıstan hökumətinin iclasında verilib.
İclas zamanı “Dağıstan ərazisində 2019-2021-ci illər üçün əhaliyə şəhərətrafı dəmiryol nəqliyyatı xidmətinin təşkil olunması barədə” müqavilə təsdiq olunub.
Bu sənəd Mahaçqala-Xasavyurt, Mahaçqala-Dərbənd və Mahaçqala-Azərbaycan sərhədi istiqamətləri üzrə sərnişin daşımalarını nəzərdə tutur.
Bundan başqa, iclas zamanı gələcəkdə Dərbənd-Azərbaycan sərhədi istiqamətində sərnişin daşımaları məsələsini hazırlamaq barədə razılıq əldə olunub.
ŞƏRH YAZ
DİGƏR XƏBƏRLƏR