Toy yasa döndü: 13 ölü

Hindistanın Racasthan ştatının Pratapqar dairəsinin Ambavali kəndində yük avtomobilini toy mərasimi iştirakçılarının üstünə sürüblər. Avtosfer.az-ın Trend-ə istinadən məlumatına görə, hadisə nəticəsində ən azı 13 nəfər ölüb, 15 nəfər xəsarət alıb. İnsident axşam saatlarında toy mərasiminin iştirakçıları şose kənarı ilə yürüş edərkən baş verib. Aralarında gəlinin də olduğu yaralılar xəstəxanaya yerləşdirilib. Polis faktı araşdırır.