Kredit fırıldağına görə axtarışda olan şəxs saxlanılıb

Azərbaycanda kredit fırıldağı və mütəşəkkil cinayətkarlıq ittihamları ilə 14 il azadlıqdan məhrum edilmiş, axtarışda olan şəxs bu gün Rusiyada saxlanılıb. Avtosfer.az-ın ONA-ya istinadən məlumatına görə, bu barədə Rusiya Daxili İşlər Nazirliyinin Saratov Vilayət İdarəsi məlumat yayıb. Məlumatda qeyd edilir ki, MDB-də axtarışa verilmiş 55 yaşlı Azərbaycan vətəndaşının Engels şəhərində olması barədə operativ məlumat daxil olub və o, saxlanılıb. Həmin şəxs məhkəmənin hökmü ilə 14 il azadlıqdan məhrum edilsə də, indiyə qədər axtarışda olub və hökmü yerinə yetirmək mümkün olmayıb.