“Google” pilotsuz təyyarələrlə çatdırılma xidmətini istifadəyə verdi

Texnologiya 9 Aprel 2019 20:45 Oxunub 1516
“Google” pilotsuz təyyarələrlə çatdırılma xidmətini istifadəyə verdi
WhatsApp kanalımıza abunə ola bilərsiniz
Sürücüsüz idarə olunan təyyarələr yemək, içki, dərman və başqa malları birbaşa evə çatdıracaqlar

“Google” şirkəti Avstraliyanın paytaxtı Kanberra şəhərində pilotsuz uçan aparatların köməyilə dünyada ilk kommersiya yönümlü çatdırma xidmətini istifadəyə verib. Avtosfer.az “ICTnews”a istinadən xəbər verir ki, sürücüsüz idarə olunan təyyarələr yemək, içki, dərman və başqa malları birbaşa evə çatdıracaqlar.

İlkin mərhələdə “Project Wing” xidməti yalnız 100 ev üçün xidmət göstərəcək, ancaq yaxın aylarda çatdırılma zonasını genişləndirmək planlaşdırılır. Sürücüsüz təyyarələrin köməyilə öz müştəriləri üçün məhsulların çatdırılması haqqında razılaşmanı artıq 12 yerli müəssisə imzalayıb.

Kanberrada pilotsuz təyyarələrdən istifadə ilə bağlı razılıq Avstraliyanın Mülki Aviasiya İdarəsi (CASA) tərəfindən verilib. 18 ay müddətində keçirilmiş sınaqlar zamanı heç bir qəza hadisəsi baş verməyib. CASA-nın nümayəndəsi bildirib ki, pilotsuz təyyarə xidməti insanlar, hava gəmiləri və yaşayış binalarına təhlükə yaratmır. Amma çatdırılma xidməti günün müəyyən vaxtında işləyəcək. Məlumata görə, sınaqlar zamanı bəzi sakinlər dronlar tərəfindən yaradılan səs-küydən şikayət ediblər, buna görə “Project Wing” üçün daha səssiz pilotsuz təyyarə hazırlanıb.

ŞƏRH YAZ
Ad

E-mail

Şərh