Qaydaları pozan piyadalar cərimələndi - FOTOSESSİYA

Yol polisi 11 Aprel 2019 16:45 Oxunub 2324
Qaydaları pozan piyadalar cərimələndi - FOTOSESSİYA
WhatsApp kanalımıza abunə ola bilərsiniz
Gəncədə qayda pozan piyadalara qarşı reyd keçirilib

Gəncə Şəhər Baş Polis İdarəsinin Dövlət Yol Polisi İdarəsinin əməkdaşları şəhərdə piyadaların müvafiq yerlərdə yeraltı və yerüstü keçidlərdən istifadə etməməsi ilə əlaqədar reydlər təşkil edib. Avtosfer.az-ın ONA-ya istinadən xəbərinə görə, şəhərin bir neçə küçə və prospektində baş tutan reyd zamanı 20-dən artıq piyada inzibati qaydada cərimələnib. Qaydanı pozan piyadaları bəziləri piyada zolağından məsafənin uzaq olmasını  bəhanə gətirib, bəziləri isə etdiyi qayda pozuntusunu etiraf edib. Reydin məqsədi piyadaların ölümü ilə nəticələnən hadisələrin qarşısını almaq olub. Gəncə Dövlət Yol Polisi İdarəsindən bildirilib ki, piyadalar əksər hallarda maşınların sürətlə hərəkət etdiyi yollardan keçirlər. Ölüm təhlükəsi ilə üzləşən bu insanlar özləri ilə yanaşı, sürücülərin də həyatını riskə atırlar. Qayda pozan piyadalara qarşı mütəmadi olaraq profilaktik tədbirlər görülür. Bu cür reydlər qarşıdakı günlərdə də davam etdiriləcək.

Xatırladaq ki, 2018-ci ildə Gəncə şəhərində piyadaların vurulması ilə nəticələn 24 yol-nəqliyyat hadisəsi baş verib. Bu zaman 7 nəfər ölüb, 20 nəfər xəsarət alıb. 2019-cu ilin birinci rübündə isə piyadanın vurulması ilə nəticələn 15 hadisə qeydə alınıb. Həmin hadisələr zamanı 5 nəfər dünyasını dəyişib, 10 nəfər isə xəsarət alıb.

FOTO QALEREYA
ŞƏRH YAZ
Ad

E-mail

Şərh