Xəzərin ən böyük barjı təmir olunub - FOTO

Yeniliklər 17 Aprel 2019 20:46 Oxunub 1416
Xəzərin ən böyük barjı təmir olunub - FOTO
WhatsApp kanalımıza abunə ola bilərsiniz
“STB-1” barjının uzunluğu 163, eni 45 metr, göyərtəyə yükgötürmə qabiliyyəti 18000 tondur

“Azərbaycan Xəzər Dəniz Gəmiçiliyi” QSC-nin (ASCO) Xəzər Dəniz Neft Donanmasının balansında olan “STB-1” barjı təmir edilib. QSC-dən Avtosfer.az-a verilən məlumata görə, proses “Bibiheybət” Gəmi Təmiri Zavodunda həyata keçirilib.

Təmir müddətində üzən vasitənin sualtı və suüstü hissəsi təmizlənib və rənglənib, Bundan başqa, barjın dib-yan armaturlarının təmiri də yerinə yetirilib.

Təmirdən sonra “STB-1” heyəti üzvləri və Registr təsnifatı nümayəndələrinə təhvil verilib. Barj artıq tərsanədən suya buraxılıb və Xəzər Dəniz Neft Donanmasına məxsus Liman-bazaya göndərilib.

Məlumat üçün bildirək ki, “STB-1” barjının uzunluğu 163, eni 45 metr, göyərtəyə yükgötürmə qabiliyyəti 18000 tondur. Bu da onun Xəzər dənizində ən böyük barj olduğunu deməyə əsas verir.

“STB-1” dəniz stasionar platformalarının tikintisi üçün böyükölçülü dayaq bloklarının daşınmasında istismar olunur.

FOTO QALEREYA
ŞƏRH YAZ
Ad

E-mail

Şərh