“Bakı şəhərətrafı elektrik qatarları ilkin mərhələdə 4 stansiyada dayanacaq”

Gündəm 21 May 2019 10:34 Oxunub 980
“Bakı şəhərətrafı elektrik qatarları ilkin mərhələdə 4 stansiyada dayanacaq”
WhatsApp kanalımıza abunə ola bilərsiniz
Ümumilikdə genişləndirmə işləri Bakı sərnişin, Nərimanov, Keşlə, Koroğlu dayanacağı, Bakıxanov, Sabunçu, Zabrat, Pirşağı, Goradil, Fatmayi, Saray və Sumqayıt istiqamətində olacaq

Bu yaxınlarda Bakı şəhərətrafı dəmir yolu xəttinin Bakı-Sabunçu hissəsinin istismara verilməsi nəzərdə tutulur. Avtosfer.az xəbər verir ki, “Azərbaycan Dəmir Yolları” QSC-nin İctimaiyyətlə əlaqələr şöbəsinin rəisi Sevinc Qədirovanın ONA-ya verdiyi məlumata görə, işlər mərhələlərlə aparılır. Dairəvi dəmir yolunun Sumqayıt-Sabunçu hissəsində işlər sürətlə davam edir. Ümumilikdə genişləndirmə işləri Bakı sərnişin, Nərimanov, Keşlə, Koroğlu dayanacağı, Bakıxanov, Sabunçu, Zabrat, Pirşağı, Goradil, Fatmayi, Saray və Sumqayıt istiqamətində olacaq.  Bu yol istismara veriləndən sonra Bakı, eləcə də Bakıətrafı qəsəbə və kəndlərin əhalisinin nəqliyyat problemi qismən aradan qaldırılacaq, dairəvi dəmir yol boyunca yerləşən kəndlərdə yaşayan əhali elektrik qatarlarının xidmətindən istifadə edərək, mənzil başına rahat və təhlükəsiz şəraitdə çatacaq.

Bakı dairəvi yolunda 14 stansiya və dayanacaq olacaq. İlkin mərhələdə Bakı sərnişin stansiyasından çıxan elektrik qatarları Keşlə, Koroğlu, Bakıxanov və Sabunçu stansiyasında dayanacaqlar. Bakı dairəvi yolunda hərəkət edəcək qatarların sayı, onların hərəkət cədvəli, gediş haqqı barəsində məlumatlar hələ müəyyənləşdirilməyib.

ŞƏRH YAZ
Ad

E-mail

Şərh