Avtobus və taksilərdən istifadə edən sərnişinlərin sayı açıqlanıb 

Nəqliyyat sektorunda daşımaların həcminə görə ən böyük paya malik olan avtomobil nəqliyyatı ilə yanvar-oktyabr ayları ərzində 113,1 mln. ton yük, 1 mlrd. 362,5 mln. sərnişin daşınıb. Avtosfer.az Dövlət Statistika Komitəsinin hesabatına istinadən verdiyi xəbərə görə, bu, əvvəlki ilin eyni dövrü ilə müqayisədə müvafiq olaraq 7% və 3,6% artım deməkdir. Sərnişinlərin 96,1%-i və ya 1,309 mlrd. nəfəri avtobus, 3,9%-i və ya 53,1 mln. nəfəri isə minik taksilərinin xidmətlərindən istifadə edib.