Bakının mərkəzində qaydaları pozan yol polisi – FOTO+VİDEO

Yol polisi 5 Fevral 2016 17:01 Oxunub 2585
Bakının mərkəzində qaydaları pozan yol polisi – FOTO+VİDEO
WhatsApp kanalımıza abunə ola bilərsiniz
DYP əməkdaşının qanunsuz hərəkəti ifşa olunub

Bakının mərkəzində Dövlət Yol Polisinin əməkdaşının daha bir qanunsuz hərəkəti ifşa olunub. Avtosfer.az xəbər verir ki, bu barədə oxu.az-a daxil olan məlumata görə, fevralın 2-də, təxminən saat 12.00 radələrində Bakıda metronun “Elmlər Akademiyası” stansiyasının yaxınlığında, “Hüseyn Cavid” prospektində hərəkət edən DYP sürücüsü kobud şəkildə yol hərəkəti qaydasını pozub. Belə ki, “Hüseyn Cavid” prospekti ilə üzü Şəhidlər Xiyabanı-Vergilər Nazirliyi istiqamətində hərəkətdə olan DYP avtomobilin sürücüsü, səs siqnalı və sayrışan işıqlardan istifadə etmədən qoşa xətti tapdalayıb, əks yola çıxaraq dönmə əməliyyatını həyata keçirib.

Qeyd edək ki, “Yol hərəkəti haqqında” qanunun 48-ci maddəsində və 74-cü maddəsində göstərilib ki, “Hərəkətin başqa iştirakçıları qarşısında üstünlük almaq üçün belə nəqliyyat vasitələrinin sürücüləri sayrışan işıq və xüsusi səs siqnalını qoşmalıdırlar”.

“Yol Patrul Xidməti Haqqında Təlimat”ın 7.43 cü bəndində göstərilib ki, “Xidməti vəzifələrinin yerinə yetirilməsi ilə bağlı yol hərəkəti qaydalarının pozulması vəziyyəti yarandığı halda YPX inspektoru bu barədə digər hərəkət iştirakçılarını məlumatlandırmaqla qırmızı və ya göy sayrışan işıq siqnallarından istifadə etməlidir”.

ŞƏRH YAZ
Ad

E-mail

Şərh