ABŞ-da səsdən sürətli sərnişin təyyarəsinin hazırlanması layihəsinə start verilib

Texnologiya 14 May 2019 12:21 Oxunub 1299
ABŞ-da səsdən sürətli sərnişin təyyarəsinin hazırlanması layihəsinə start verilib
WhatsApp kanalımıza abunə ola bilərsiniz
“Hermeus” səsdən sürətli ilk təyyarəsinin prototipini təxminən 5 ildən sonra hazırlamağı planlaşdırır

ABŞ-ın “Hermeus” kompaniyası səsdən sürətli sərnişin təyyarəsinin hazırlanması layihəsinə ilkin kapitalın cəlb olunduğunu elan edib. Avtosfer.az Azərtac-a istinadən xəbər verir ki, kompaniyanın ilk maliyyə tərəfdaşı Kaliforniya ştatında yerləşən “Khosla Ventures” vençur fondu olub. Cəlb edilən ümumi məbləğ və tərəfdaşların sayı barədə məlumat verməyən “Hermeus” yığılan vəsaitin layihələşdirilən təyyarənin güc qurğusunun hazırlanmasına və sınağına yönəldiləcəyini bildirib.

Kompaniyanın məlumatına əsasən, söhbət saatda 6,2 min kilometr sürətlə uça biləcək avialaynerin hazırlanmasından gedir. Bu, məsələn, Nyu-York şəhərindən Londona transatlantik uçuşun müddətini 7 saatdan 1,5 saata qədər azaltmağa imkan verəcək.

“Hermeus” səsdən sürətli ilk təyyarəsinin prototipini təxminən 5 ildən sonra hazırlamağı planlaşdırır. Belə laynerin seriyalı istehsalı isə 8-10 il ərzində baş tuta bilər.

2016-cı ildə ABŞ-ın “Virgin Galactic” və “Boom Technology”, 2018-ci ildə isə “Boeing” korporasiyaları səsdən sürətli sərnişin təyyarəsi hazırlamaq barədə niyyətlərini bildirmişdilər.

ŞƏRH YAZ
Ad

E-mail

Şərh