Milli Məclisin növbədənkənar sessiyası başlayıb
Gündəm 13 Iyun 2019 12:11 139 dəfə oxunub
Milli Məclisin növbədənkənar sessiyası başlayıb
İclasın gündəliyinə 36 məsələ daxildir

Azərbaycan Milli Məclisinin növbədənkənar sessiyasının ilk plenar iclası keçirilir. Avtosfer.az “Report”a istinadən xəbər verir ki, əvvəlcə Azərbaycanın Dövlət himni səsləndirilib. Oqtay Əsədovun sədrliyi ilə keçirilən iclasın iclasın gündəliyinə 36 məsələ daxildir.

Bunlar “Məhkəmələr və hakimlər haqqında”, “Dövlət rüsumu haqqında”, “Banklar haqqında”, “Azərbaycan Respublikasının Mərkəzi Bankı haqqında”, “Hüquqi şəxslərin dövlət qeydiyyatı və dövlət reyestri haqqında”, “Bələdiyyələrin statusu haqqında” və s. qanunlara, o cümlədən Mülki, Mülki Prosessual, İnzibati, İnzibati Prosessual, Cinayət Prosessual məcəllələrinə dəyişiklik layihələridir.

İclasda "Azərbaycan Respublikasının 2018-ci il dövlət büdcəsinin icrası haqqında" qanun layihəsinə də (ikinci oxunuş) baxılacaq.

İclas iyunun 14-də də davam etdiriləcək.

Növbədənkənar sessiyanın iyunun 28-də, iyulun 9-da və 12-də plenar iclaslarının keçirilməsi planlaşdırılır.

ŞƏRH YAZ
Ad
E-mail
Şərh