Zaqatalada yol qəzası baş verdi: 2 yaralı

Zaqatala rayonunda yol qəzası baş verib. Avtosfer.az-ın "Report"a istinadən məlumatına görə, hadisə rayonun Əliabad qəsəbəsi ərazisində qeydə alınıb. Minik avtomobili ilə "KamAz" markalı yük maşınının toqquşması nəticəsində qəsəbə sakinləri - 1941-ci il təvəllüdlü Şaban Xəlil oğlu Şabanov və 1960-cı il təvəllüdlü Solmaz Vahid qızı Babayeva xəsarət alıblar. Onlar Zaqatala Rayon Mərkəzi Xəstəxanasına yerləşdiriliblər. Vəziyyətləri orta-ağır qiymətləndirilir.

Fakt araşdırılır.