Baş nazir PUA-ların istismarı qaydalarını hazırlamaq barədə tapşırıq verib
Gündəm 11 Iyul 2019 16:15 163 dəfə oxunub
Baş nazir PUA-ların istismarı qaydalarını hazırlamaq barədə tapşırıq verib
Novruz Məmmədov bununla bağlı müvafiq sərəncam imzalayıb

Nəqliyyat, Rabitə və Yüksək Texnologiyalar Nazirliyi mülki pilotsuz uçan aparat (PUA) sistemlərinin istismarına dair qaydaların layihəsini hazırlayacaq. Avtosfer.az-ın APA-ya istinadən məlumatına görə, Baş Nazir Novruz Məmmədov bununla bağlı müvafiq sərəncam imzalayıb. Sərəncama əsasən, Nəqliyyat, Rabitə və Yüksək Texnologiyalar Nazirliyi Ədliyyə Nazirliyi və icra prosesində müəyyən ediləcək digər aidiyyəti dövlət orqanları (dövlətin hüquqi şəxsləri) ilə razılaşdırmaqla mülki pilotsuz uçan aparat sistemlərinin istismarına dair qaydaların layihəsini 2 ay müddətində Nazirlər Kabinetinə təqdim etməlidir.

Qeyd edək ki, Azərbaycan Prezidenti İlham Əliyevin 27 iyun 2019-cu il tarixli fərmanına əsasən, Nazirlər Kabineti 3 ay müddətində mülki pilotsuz uçan aparat sistemlərinin istismarına dair qaydaları Azərbaycan Prezidenti ilə razılaşdırmaqla təsdiq etməlidir.

ŞƏRH YAZ
Ad
E-mail
Şərh