"Formula 1"də ləğv olunan qaydalardan biri bərpa oluna bilər
Yarışma 14 Iyul 2019 09:44 116 dəfə oxunub
"Formula 1"də ləğv olunan qaydalardan biri bərpa oluna bilər
2021-ci il mövsümünün reqlamenti oktyabrın sonlarında təqdim olunacaq

"Formula 1" komandalarının Qran-pri yürüşləri zamanı yolda yanacaq doldurmalarına yenidən icazə verilə bilər. Avtosfer.az "Report"a istinadən xəbər verir ki, bu barədə Beynəlxalq Avtomobil Federasiyasının (FIA) prezidenti Jan Todt açıqlama verib. Fransalı funksioner hazırda bu məsələnin müzakirə olunduğunu təsdiqləyib: "Şəxsən mən yolda yanacaq doldurmanın yenidən olmasını istərdim. Amma bunun üçün əvvəlcə belə qərarın müsbət və mənfi nəticələrinə dair araşdırmaların yekunlarını görmək lazımdır. Biz hazırda bu məsələni müzakirə edirik. Çünki indi maşınlar çox ağırlaşıblar. Mən araşdırmanın aparılmasında israrlıyam. Yolda yanacaq doldurmanı bərpa etsək, yarışın startında maşınlar yüngül və az olacaqlar".

Qeyd edək ki, 2021-ci il mövsümünün reqlamenti oktyabrın sonlarında təqdim olunacaq.

ŞƏRH YAZ
Ad
E-mail
Şərh