Honda Civic modelini yeniləyib - FOTO
Avtodünya 17 Avqust 2019 13:32 1083 dəfə oxunub
Honda Civic modelini yeniləyib - FOTO
Açarsız giriş və səkkiz dinamikli səs sistemi avtomobilin baza təchizatına daxil edilib

Honda şirkəti amerika bazarında satılan Civic hetçbekinin yenilənmiş versiyasını təqdim edib. Hetçbek duman əleyhinə fənərlərin yeni tərtibatına, dizaynı dəyişdirilmiş bamperlərə və tərtibatı tündləşdirilmiş ön və arxa fənərlərə sahib olub. Bundan başqa, avtomobilin salonu da yenilənib. Üstəlik, baza mühərrikini 6-pilləli mexaniki qutu ilə də sifariş etmək olar.

 

Honda mühəndisləri yenilənmiş hetçbekin vibroakustik cəhətdən də təkmilləşdirildiyini bildiriblər. Bundan başqa, salon tərtibatı variantları artırılmış və təchizat səviyyələri zənginləşdirilmişdir. Yeddi düymlük ekranı olan multinedia sistemi, mühərrikin düymə ilə işə salınması, açarsız giriş və səkkiz dinamikli səs sistemi avtomobilin baza təchizatına daxil edilib. Hetçbekin bahalı versiyaları isə, səkkiz mövqedə tənzimlənən multikonturlu ön oturacaqlara sahib olublar. 

Texniki cəhətdən 2020-ci model ilinin Honda Civic modeli yaxşılaşdırılmış LED işıq texnikası ilə seçilir. Modelin mühərrik çeşidi dəyişilməz qalıb. ABŞ-da hetçbek 176 və ya 183 at qüvvəsi hasil edən 1,5-litrlik turbomühərrik ilə təchiz edilir. LX, EX və EX-L versiyaları variator, Sport və Sport Touring variantları isə alternativ olaraq 6-pilləli mexaniki ötürmələr qutusu ilə təklif olunur.   

Yeniləınmiş Honda Civic bu gündən başlayaraq ABŞ-da satılır. Yenilənmiş avtomobil əvvəlkindən cəmi 200 dollar bahadır və 22580 dollardan başlayan qiymətlərlə təklif olunur. (Autograph)

ŞƏRH YAZ
Ad
E-mail
Şərh