Polisə yalan məlumat verən şəxs barəsində cinayət işi başlanıb
Gündəm 19 Avqust 2019 12:52 124 dəfə oxunub
Polisə yalan məlumat verən şəxs barəsində cinayət işi başlanıb
O, əsəbiləşərək polisə bilə-bilə yalan məlumat verməsini etiraf edib

Masallı rayonunda polisə yalan məlumat verən şəxs barəsində cinayət işi başlanıb. Avtosfer.az-ın Daxili İşlər Nazirliyinin (DİN) saytına istinadən xəbər verir ki, avqustun 18-də saat 12.42-də naməlum şəxs mobil telefonla polisə zəng edib “bu gün dövlət iş yerlərinə silahlı hücum olacaq” deyərək dəstəyi asıb.

Araşdırmalar zamanı qeyd edilən telefon zənginin Masallı rayonunun Hişkədərə kənd sakini R.Cabbarova məxsus olması müəyyən edilib.

Masallı Rayon Polis Şöbəsi əməkdaşlarının keçirdikləri əməliyyat tədbirləri nəticəsində R.Cabbarov saxlanılıb. O, izahatında mədə-bağırsaq və bel nahiyəsində olan xəstəlikdən əziyyət çəkdiyinə görə əsəbiləşərək polisə bilə-bilə yalan məlumat verməsini etiraf edib.

Faktla əlaqədar Cinayət Məcəlləsinin 216-cı (terrorçuluq barədə bilə-bilə yalan məlumat vermə) maddəsi ilə cinayət işi başlanıb.

ŞƏRH YAZ
Ad
E-mail
Şərh