Bakıda xəsarətlə nəticələnən avtoqəza olub

Bakının Sabunçu rayonunda iki avtomobilin toqquşması ilə nəticələnən yol-nəqliyyat hadisəsi baş verib. Avtosfer.az APA-ya istinadən xəbər verir ki, Pirşağı yolunda baş vermiş hadisə zamanı 1961-ci il təvəllüdlü Məmmədov Yusif Niftəli oğlu xəsarət alıb. Yaralı dərhal xəstəxanaya yerləşdirilib. Vəziyyətinin stabil olduğu bildirilir.

Faktla bağlı Sabunçu Rayon Polis İdarəsində araşdırma aparılır.