18 yaşlı qızı oğurlayan kişi "Ekologiya postu"nda saxlanıldı - Cinayət işi
Gündəm 10 Sentyabr 2019 16:34 1013 dəfə oxunub
18 yaşlı qızı oğurlayan kişi "Ekologiya postu"nda saxlanıldı - Cinayət işi
Qız xilas edilərək ailəsinə təhvil verilib

"Ekologiya postu"nda adam oğurlayan şəxs saxlanılıb. Avtosfer.az-ın “Report”a istinadən xəbərinə görə, Saatlı rayon sakini O.Novruzov (ad-soyad şərtidir) hüquq-mühafizə orqanlarına müraciət edərək bildirib ki, qızı 2001-ci il təvəllüdlü T.Novruzovanı (şərtidir) zorla, yəni qızın razılığı olmadan həmyerlisi 1986-ci il təvəllüdlü Ruhid İslamov qaçırıb. Hadisə Bakı şəhərində qeydə alınıb.

Dərhal aparılan əməliyyat-axtarış nəticəsində müəyyən olunub ki, R.İslamov idarə etdiyi "Hyundai" markalı avtomobillə qızı Bakıdan Sumqayıt istiqamətinə aparıb. R.İslamovun avtomobili "Ekologiya postu"nda saxlanılıb. Qız xilas edilərək ailəsinə təhvil verilib, R.İslamov isə Abşeron Rayon Polis İdarəsinə aparılıb.

Onun barəsində Cinayət Məcəlləsinin 144-cü (adam oğurluğu) maddəsi ilə cinayət işi başlanılıb.

ŞƏRH YAZ
Ad
E-mail
Şərh