İmişlidə iki avtomobil toqquşub, ölən var

İmişli rayonun Xubyarlı kəndi ərazisində yol-nəqliyyat hadisəsi baş verib. Avtosfer.az-ın APA-ya istinadən məlumatına görə, “VAZ 2106” markalı avtomobillə “Ford tranzit” markalı avtomobil toqquşub. Nəticədə “VAZ 2106” markalı avtomobildə olan sərnişin, Xubyarlı kənd sakini, 1958-ci il təvəllüdlü Məmmədov Hafiz Qərib oğlu aldığı xəsarətdən İmişli rayon xəstəxanasında ölüb.

Faktla bağlı araşdırma aparılır.