Avtosfer.az | Reklam
Yol polisi qəzada öldü, sürücü bəraət aldı - MƏHKƏMƏ
Yol polisi 15 Oktyabr 2019 19:48 2641 dəfə oxunub
Yol polisi qəzada öldü, sürücü bəraət aldı - MƏHKƏMƏ
Məhkəmə iclasının vaxtı hələlik açıqlanmayıb

Ölümlə nəticələnən yol qəzasında təqsirləndirilən Albert Tahirovun bəraət hökmündən Ali Məhkəməyə müraciət edilib. Avtosfer.az Oxu.az-a istinadən xəbər verir ki, prokuror onun barəsində olan hökmdən kassasiya protesti verib.

Ali Məhkəmədə kassasiya protesti hakim Fərhad Kərimovun icraatına verilib.

Məhkəmə iclasının vaxtı hələlik açıqlanmayıb.

Hadisə 14 may 2018-ci ildə Sumqayıt şəhərində baş verib. A.Tahirovun idarə etdiyi avtomobil yol polisi əməkdaşı Bağırzadə Xəyyam Yusif oğlunun avtomobili ilə toqquşub. Nəticədə, X.Bağırzadə vəfat edib.

Sumqayıt Şəhər Məhkəməsinin hökmü ilə A.Tahirova beş il məntəqə tipli cəza verilib.

Sumqayıt Apellyasiya Məhkəməsinin qərarı ilə birinci instansiya məhkəməsinin hökmü ləğv edilib. Yeni hökmə əsasən, təqsirləndirilən şəxsə bəraət verilib.

ŞƏRH YAZ
Ad
E-mail
Şərh