Azərbaycanda avtomobil nəqliyyatı ilə yükdaşımalar 3% artıb

Bu ilin yanvar-sentyabr aylarında Azərbaycanda nəqliyyat sektorunda daşımaların həcmində xüsusi çəkisi ən böyük olan avtomobil nəqliyyatı ilə 113,3 mln. ton yük  daşınıb ki, bu da ötən ilin müvafiq dövrü ilə müqayisədə 2,8% çoxdur. Avtosfer.az Dövlət Statistika Komitəsindən verilən məlumata əsasən, ötən dövr ərzində avtomobil nəqliyyatı ilə 1 313 mln. sərnişin daşınıb ki, bu da 2,2%-lik artım deməkdir. Məlumata əsasən, sərnişinlərin 96%-i avtobus, 4%-i isə minik taksilərinin xidmətlərindən istifadə edib. "Hesabat yük dövriyyəsi 2,8%, sərnişin dövriyyəsi isə 2,3% artıb", - deyə Komitənin məlumatında qeyd olunub.