Kürdəmirdə avtomobil yolu keçən qadını vurub

Kürdəmirdə piyadanın vurulması ilə nəticələnən yol-nəqliyyat hadisəsi baş verib. Avtosfer.az "Report"a istinadən xəbər verir ki, hadisə rayonun H.Əliyev prospektində qeydə alınıb. Belə ki, sürücü İsayev Eynulla Babaxan oğlu "VAZ-2107" markalı avtomobillə hərəkətdə olarkən yolu keçən rayon sakini, 1949-cu il təvəllüdlü Mikayılova Pəri Məlik qızını vurub. Yaralı müxtəlif dərəcəli bədən xəsarətləri ilə Kürdəmir Rayon Mərkəzi Xəstəxanasına çatdırılıb.

Fakt araşdırılır.