Avtosfer.az | Reklam
Qubada azyaşlının ölümünə səbəb olan sürücünün məhkəməsi başlayır
Gündəm 22 Noyabr 2019 19:15 196 dəfə oxunub
Qubada azyaşlının ölümünə səbəb olan sürücünün məhkəməsi başlayır
Hakim Rahim Həsənovun icraatında olan iş üzrə hazırlıq iclası yaxın günlərdə keçiriləcək

Quba rayonunda ölümlə nəticələnən yol-nəqliyyat hadisəsi törətməkdə təqsirləndirilən Cavid Baxışovun cinayət işi üzrə ibtidai istintaq yekunlaşıb. Avtosfer.az-ın "Report"a istinadən xəbərinə görə, cinayət işi baxılması üçün Quba Rayon Məhkəməsinə göndərilib. Hakim Rahim Həsənovun icraatında olan iş üzrə hazırlıq iclası yaxın günlərdə keçiriləcək.

Qeyd edək ki, hadisə bu ilin avqust ayında Qubanın Rustov kəndində baş verib. Kənd sakini Cavid Məhərrəm oğlu Baxışov qardaşı Ramilin qız toyuna gedərkən idarə etdiyi "Mercedes" markalı avtomobillə küçədə oynayan 4 yaşlı Renat Mahir oğlu Orucəliyevi vurub.

Başından ağır xəsarət alan uşağı dərhal xəstəxanaya çatdırmağı ailə qonşuluqda yaşayan 27 yaşlı Emin Əzizovdan xahiş edib. Emin Əzizov idarə etdiyi "VAZ-2107" markalı avtomobillə uşağı və ailənin üç üzvünü Quba Rayon Mərkəzi xəstəxanasına apararkən yolda avtomobil dəmir maneəyə çırpılıb. Nəticədə sürücü yerindəcə ölüb.

Yaralı uşaq - Renat Orucəliyev isə digər avtomaşınla xəstəxanaya çatdırılsa da, onun həyatını xilas etmək mümkün olmayıb.

Uşağın anası Sevil Səfərqulu qızı Orucəliyeva, nənəsi Leysan İmaməli qızı Kərimova və dayısı Yaşar Səfərqulu oğlu Kərimov isə müxtəlif dərəcəli xəsarətlər alıblar.

ŞƏRH YAZ
Ad
E-mail
Şərh