Xaçmazda 5 nəfərin xəsarət aldığı qəza ilə bağlı məhkəmə başlayır

Gündəm 9 Dekabr 2019 15:50 Oxunub 722
Xaçmazda 5 nəfərin xəsarət aldığı qəza ilə bağlı məhkəmə başlayır
WhatsApp kanalımıza abunə ola bilərsiniz
Hakim Anar Sadıqovun icraatında olan iş üzrə hazırlıq iclası yaxın günlərdə keçiriləcək

Xaçmazda 5 nəfərin xəsarət alması ilə nəticələnən yol-nəqliyyat hadisəsi törətməkdə təqsirləndirilən Elmar Əliyevin cinayət işi üzrə ibtidai istintaq başa çatıb.

Avtosfer.az-ın "Report"a istinadən xəbərinə görə, cinayət işi baxılması üçün Xaçmaz Rayon Məhkəməsinə göndərilib.

Hakim Anar Sadıqovun icraatında olan iş üzrə hazırlıq iclası yaxın günlərdə keçiriləcək.

Qeyd edək ki, hadisə bu ilin avqust ayında Gəndov-Yalama yolunun 17-ci kilometrliyində - Xaçmazın Hülövlü kəndi ərazisində baş verib. “Ford” və “VAZ 2107” markalı nəqliyyat vasitələrinin toqquşması nəticəsində 5 nəfər müxtəlif dərəcəli bədən xəsarətləri alıb.

E.Əliyevə Cinayət Məcəlləsinin 263-1.2. (Yol hərəkəti və ya nəqliyyat vasitələrinin istismarı qaydalarını sərxoş halda və ya nəqliyyat vasitələrini idarə etmək hüququ olmayan şəxs tərəfindən pozma ehtiyatsızlıqdan zərərçəkmiş şəxsin sağlamlığına ağır zərər vurulmasına, yaxud ümumi istifadədə olan nəqliyyat vasitəsinin idarə edilməsi zamanı ehtiyatsızlıqdan zərərçəkmiş şəxsin sağlamlığına az ağır və ya ağır zərər vurulmasına səbəb olduqda) maddəsi ilə ittiham verilib.

ŞƏRH YAZ
Ad

E-mail

Şərh