Bakıda iki tələbənin öldüyü dəhşətli qəzanın görüntüsü yayıldı - VİDEO
Bakının Binəqədi rayonunda ağır yol qəzası baş verib. Hadisə daş bazarı yaxınlığında qeydə alınıb.
Avtosfer.az xəbər verir ki, hadisə yerinə cəlb olunmuş YPX müfəttişlərinin bildirdiyinə görə, ərazidə işıqlandırma zəif olduğu üçün “KamAZ” markalı yük maşını Biləcəri qəsəbəsi istiqamətində hərəkətdə olarkən yolu keçmək istəyən tələbə qız və oğlanı vurub. Hər iki tələbə maşının altında qalaraq dünyasını dəyişib.
Hadisə ilə əlaqədar araşdırmalara başlanılıb.
Qeyd edək ki, görüntülərdə tələbələrin "Kamaz"ın kor nöqtəsinə düşdüyü əks olub. Çünki sürücü tələbələri vurduqddan sonra bir neçə metr də yoluna davam edir. Təbii ki, yük maşınlarında kor bucağa düşmək təhlükəlidir. Çünki həmin vaxt sürücü avtomobili, piyadanı görmür. Nəticədə qəza hadisələri baş verir. Odur ki, istər sürücülər, istərsə də piyadalar bu vəziyyətlərdə xüsusilə diqqətli olmalıdırlar.
Orxan