Şirvanda avtomobil piyadanı vurub

Şirvan şəhərində piyadanın vurulması ilə nəticələnən yol-nəqliyyat hadisəsi baş verib.

APA-nın Mil-Muğan bürosunun məlumatına görə, hadisə şəhərin Heydər Əliyev prospektində qeydə alınıb. 

“Tayota Prado” markalı avtomobil sərxoş vəziyyətdə olan Sabirabad rayonunun Yaxa Dəllək kənd sakini, 1975-ci il təvəllüdlü Balayev Ziyafət Qirayət oğlunu vurub. 

Yaralı müxtəlif xəsarətlərlə xəstəxanaya yerləşdirilib. 

Faktla bağlı araşdırma aparılır.