Yol polisi hamilə qadını xəstəxanaya çatdırdı, qız övladı dünyaya gəldi - VİDEO
Yol polisi
24 Mart 2020 16:20
Oxunub 2175
Qızı olan ata yol polislərinə tort gətirib
Dünən gecə saatlarında Müşfiqabad qəsəbəsi ərazisində yerləşən Baş Dövlət Yol Polisi İdarəsinin Yol Patrul Xidməti Alayının 3- cü tağımının xidmət apardığı posta yaxınlaşan şəxs bildirib ki, avtomobildə hamilə qadın var və maşın xarab olub. Gecə saatlarında artıq məhdudiyyət tətbiq olunduğu üçün taksi də tapa bilməyiblər.
Həmin vaxt ərazidə Baş Dövlət Yol Polisi İdarəsinin Yol Patrul Xidməti Alayının komandir əvəzi polkovnik Xosrov Nəcəfov da olub. Məsələ ilə bağlı ona məruzə edilib. Xosrov Nəcəfovun göstərişi ilə polis baş leytenantı Aydın İsayev 99 YP 790 dövlət nömrə nişanlı, patrul avtomobili ilə həmin xəstəni Biləcəri qəsəbəsindəki xəstəxanaya çatdırıb. Gecə həmin ailənin qız övladı dünyaya gəlib. Bu gün səhər isə ailə üzvləri tort alaraq Müşfiq qəsəbəsi ərazisindəki posta gəliblər. Polis əməkdaşlarına şirniyyat verərək təşəkkür ediblər.
Orxan Əli
ŞƏRH YAZ
DİGƏR XƏBƏRLƏR
