“PAZ” yol kənarına aşdı: 1 ölü, 3 yaralı - FOTO
Rusiyanın Arxangelsk əyalətində sərnişin avtobusu qəzaya uğrayıb. Avtosfer.az xəbər verir ki, insident aprelin 3-də səhər saatlarında Uren – Nikolsk – Kotlas trasının 472-ci kilometrliyində qeydə alınıb. Bu barədə “TASS” agentliyi məlumat yayıb.
Məlumata görə, 1973-cü il təvəllüdlü sürücü idarə etdiyi “PAZ” markalı sərnişin avtobusu ilə hərəkətdə olarkən sükan idarəetməsini itirib. Bundan sonra idarəetmədən çıxan avtobus yol kənarına hərəkət edərək aşıb.
Nəticədə 1 qadın sərnişin dünyasını dəyişib, sürücü və daha 2 sərnişin də müxtəlif dərəcəli bədən xəsarətləri alıb. Yaralılar, təcili tibbi yardım briqadasının köməkliyi ilə xəstəxanaya çatdırılıblar.
Bildirilir ki, hadisə zamanı avtobusda 5 sərnişin olub.
Faktla bağlı araşdırmalara başlanılıb.
Namiq Musayev