2 avtomobil hərrac yolu ilə satılacaq - QİYMƏTLƏR

İcbari Sığorta Bürosuna məxsus 2 ədəd avtomobil hərrac yolu ilə satışa çıxarılacaq.   

 İcbari Sığorta Bürosundan Marja-ya verilən məlumata görə əmlakların satışı ilə bağlı hərrac 5 avqust 2021 –ci il tarixində saat 11.00-da  keçiriləcəkdir.

Hərrac predmetinin ətraflı təsviri aşağıdakı cədvəldə öz əksini tapmışdır:

Hərrac “Əmlak Hərrac Mərkəzi” MMC” tərəfindən Bakı şəhəri, Yasamal rayonu M.Rahim 4A ünvanında keçiriləcəkdir. Hərracda iştirak üçün ilkin satış qiymətinin 10%-i, yəni  “Honda Accord” minik markalı avtomobili üzrə 1600 (min altı  yüz) manat məbləğində;  “Volkswagen T-5” minik markalı avtomobili üzrə  4200 (dörd min iki yüz) manat məbləğində beh ödənilməlidir. Beh məbləği hərracın təyin edildiyi tarixə 1 (bir) iş günü qalanadək hərrac sifarişçisinin hesabına ödənilməlidir.

Hərracda iştirak haqqı  ilkin satış qiymətinin 2%-i, yəni  “Honda Accord” minik markalı avtomobili üzrə  350 (üç  yüz əlli) manat məbləğində;  “Volkswagen T-5” minik markalı avtomobili üzrə  500 (beş yüz) manat məbləğində  ödənilməlidir. İştirak haqqı hərracın təyin edildiyi tarixə 1 (bir) iş günü qalanadək hərrac təşkilatçısının  hesabına ödənilməlidir.

Hərracla bağlı daha ətraflı məlumatları isə aşağıdakı linkdən  əldə etmək münkündür:

https://e-herrac.com/advertisement/neqliyyat/avtomobiller/icbari-sigorta-burosu-huquqi-sexslerinin-ittifaqinin-sifarisi-ile-avtomobil-aciq-herraca-cixarilmisdir
/marja