İranlı istehsalçıların Rusiya bazarına girmək ümidi puç oldu – SƏBƏB 

Qərb sanksiyalarını fürsət bilərək Rusiya bazarında möhkəmlənmək istəyən iranlı avtomobil istehsalçılarının səyləri boşa çıxıb.

Avtosfer.az xəbər verir ki, 2024-cü ildə “Khodro” şirkəti Federasiyada cəmi 13 avtomobil sata bilib. Faktı Rusiyanın avtostat info saytı yayıb. 

Belə bir satışla Rusiya kimi böyük ölkədə heç dilerin xərcini ödəmək mümkün deyil. Eyni zamanda, bu həm də İran modellərinin Çin avtomobilləri ilə rəqabətdə uduzması deməkdir və təəccüblü qarşılanmamalıdır.  Çünki çinli istehsalçılar avtomobil üzərində ciddi işləsələr də, iranlılar yalnız şah dövründə lisenziya alınmış modellərə  kosmetik dəyişikliklər etməklə məşğuldurlar.

Vüqar Yaşaroğlu