Yeni "Cadillac" təqdim olundu - FOTO - VİDEO

Cadillac-ın 1 fevralda təqdim etməyə hazırlaşdığı yeni yüksək performanslı sedan ailəsi üzvlərinin bütün dizayn detallarını açıqlayan video yayımlanıb.

Bir dəqiqəlik videoda Cadillac CT4-V Blackwing 2022 və CT5-V Blackwing-in önə çıxan özəllikləri yer alır.

Ən güclü Cadillac olduğu deyilən CT5-V Blackwing, Chevrolet Camaro ZL1-in LT4 V8-i ilə demək olar ki, eynilik təşkil edən 6.2 litrlik super doldurulmuş V8 mühərriki ilə satışa çıxarılacaq. Bu avtomobil 640 at gücünə sahib ən güclü Cadillac olacaq.

Nisbətən kiçik olan CT4-V Blackwing, ATS-V-yə güc verən LF4 mühərrikinin təkmilləşdirilmiş versiyası olan cüt turbo 3.6-litrlik V6-dan istifadə edəcək və 464 at gücünə sahib olacaq.

Nəqliyyat vasitələrinin təqdimatı ABŞ-da 1 fevral, Bakı vaxtı ilə növbəti gün saat 04:00-a təsadüf edir. (ted.az)